Müsavat Partiyası Demokratiya Uğrunda İttifaqın təklifini qəbul edib

Müsavat Partiyası Demokratiya Uğrunda İttifaqın bu il Azərbaycanda keçiriləcək parlament seçkiləri ilə bağlı məsləhətləşmə aparmaq barədə təklifini qəbul edib.

Partiyanın mətbuat xidmətindən APA-ya daxil olan xəbərə görə, Müsavat Divanının fevralın 15-də keçirilən iclasında ittifaqın təklifi müzakirəyə çıxarılıb. Partiya rəhbərliyi bu müzakirələrdə iştirak etmək qərarı verib.

Azərbaycan Parlamentinin növbəti iclasında bəzi qanunlara əlavə və dəyişikliklər ediləcək

Azərbaycan Parlamentinin növbəti iclasında bəzi qanunlara əlavə və dəyişikliklər ediləcək.

Milli Məclisin fevralın 12-də keçiriləcək iclasının gündəliyi açıqlanıb.

“Yaz sessiyasının ikinci iclasında “Məlumat azadlığı haqqında”, “Əməliyyat-axtarış fəaliyyəti haqqında”, “Kütləvi informasiya vasitələri haqqında”, “Kəşfiyyat və əks kəşfiyyat fəaliyyəti haqqında” və “İnformasiya əldə etmək haqqında” qanunlara əlavələr və dəyişikliklər edilməsi barədə layihələrin müzakirəsi nəzərdə tutulur”, – Trend News-a cümə axşamı Milli Məclisin mətbuat xidmətindən bildirilib.

Bu gün Milli Məclisin Regional məsələlər Komitəsinin iclası keçirilib

İclasda bələdiyyələrin fəaliyyətinə inzibati nəzarəti həyata keçirən orqanın illik məruzəsi müzakirə olunub

Məruzəni Ədliyyə Nazirliyinin Bələdiyyələrlə İş üzrə Mərkəzinin rəhbəri Mehdi Səlimzadə təqdim edib.

Hesabatda bələdiyyələrin fəaliyyətilə bağlı görülən işlər, qanunverijilikdə aparılan təkmilləşdirmə və dövlət proqramının həyata keçirilməsi üzrə tədbirlər əksini tapıb.

Milli Məclis fevralın 12-də yığışacaq

Milli Məclisin növbəti iclası fevralın 12-də keçiriləcək.

Bu barədə MM-dən verilən məlumata görə, hələlik iclasın gündəliyinə 6 məsələ daxil edilib.

Bunlar “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarında icbari sığorta haqqında” və bir sıra qanunlara əlavə və dəyişiklikldərin edilməsindən ibarətdir.