Azərbaycan Milli Məclisinin komitəsində Ombudsmanın fəaliyyəti tənqid olunub

Milli Məclisin (MM) İnsan hüquqları komitəsinin bugünkü iclasında İnsan hüquqları üzrə Müvəkkilin (Ombudsman) fəaliyyəti tənqid olunub.

APA-nın xəbərinə görə, iclasda Azərbaycan Ombudsmanının seçilməsi üçün MM-ə təqdim olunan namizədlər haqqında məlumat verilib, onlar haqqında fikirlər səsləndirilib.

Komitə üzvü İqbal Ağazadə təqdim olunan siyahıda adı olan hazırkı Ombudsman Elmira Süleymanovanın fəaliyyətindən narazı olduğunu, səsvermə zamanı onun namizədliyinin əleyhinə çıxacağını deyib.